college

የልማት ተነሺዎች የመስሪያ ቦታ ሱቅ ርክክብ

01st November, 2024

በ2ኛ ዙር የኮሪደር ልማት ከካሳንቺስ ወደ አቃቂ ቃለቲ ክ/ከተማ ለተዛወሩ የልማት ተነሺዎች የመስሪያ ቦታ ሱቅ ርክክብ ተካሄደ።

ጥቅምት 20/2017 ዓ.ም

አዲስ አበባ ከተማን ለማልማት ውብ፣ ፅዱ ለነዋሪዎቿ ምቹ እንዲሁም ደረጃዋን የጠበቀች ከተማ ለማድግ በርካታ የልማት ስራዎች በመከናወን ላይ ይገኛሉ።

በዛሬው ዕለትም የከተማዋን ልማት ደግፈው በ2ኛ ዙር የኮሪደር ልማት ከካሳንቺስ ወደ አቃቂ ቃለቲ ክ/ከተማ ለመጡ በቀድሞ አካባቢያቸው በንግድ ስራ ላይ ተሰማርተው ህይወታቸውን ይመሩ ለነበሩ የልማት ተነሺዎች የክ/ከተማው የመስሪያ ቦታዎች ልማትና አስተዳደር ጽ/ቤት ለሱቅ አገልግሎት የሚዉሉ ሼዶች ለተጠቃሚዎች አስተላልፏል ።

የክ/ከተማው አስተዳደር ም/ዋና ስራ አስፈፃሚና የስራና ክህሎት ጽ/ቤት ኃላፊ ወ/ሮ ውቢት ዩሐንስ ክ/ከተማው ለልማት ተነሺዎች ሁሉን አቀፍ ድጋፍ ለማድረግ በትኩረት እየሠራ እንደሚገኝ ገልፀው፣ የሼድ ሱቆች የተላለፈላቸው ነዋሪዎች የተፈጠረላቸውን ዕድል በመጠቀም ትርጉም ያለው ለውጥ ሊያመጡ እንደሚገባ ተናግረዋል።

ምንጭ:- አቃቂ ቃሊቲ ኮሚኒኬሽን::