ታህሳስ 22/2017 ዓ.ም

ፅህፈት ቤቱ የገና በዓልን ምክንያት በማድረግ ኢንተርፕራይዞች ምርት እና አገልግሎታቸውን እንዲያስተዋውቁ እና እንዲሸጡ የተዘጋጀ ኤግዚቢሽን ባዛር በይፋ ተከፍቷል፡፡

ኤግዚቪሽኑን ያስጀመሩት የየካ ክፍለ ከተማ ዋና ስራ አስፈፃሚ አቶ ብርሃኑ ረታ የእንኳን አደረሳችሁ መልእክት አስተላልፈው ተመጣጣኝ በሆነ ዋጋ ነዋሪው ምርት እንዲያገኝ ለማስቻል በአላትን ምክንያት በማድረግ ብቻ ሳይሆን በየሳምንቱ በእሁድ ገበያዎች ምርቶችን ሲቀርብ መቆየቱን አንስተው የገና በአልን ምክንያት በማድረግ የተዘጋጀው ኤግዚቢሽንም ምርትን፣አገልግሎትን እና ጥበብን በሚያሳድግ መልኩ መዘጋጀቱን ገልፀዋል።

የክፍለ ከተማው ምክትል ስራ አስፈፃሚ እና የስራ እና ክህሎት ፅ/ቤት ሃላፊ አቶ እንዳልካቻው አስራት በበኩላቸው ኢንተርፕራይዞች ምርታቸውን በማስተዋወቅ የሀገር በቀል ምርትን ለማበረታታት እና የኑሮ ውድነትን ለመቋቋም የሚረዳ ጥራቱን የጠበቀ ምርት በተመጣጣኝ ዋጋ ማቅረባቸውን ገልፀው ሁሉም በመገበያየት ተጠቃሚ እንዲሆን ጥሪ አቅርበዋል።

ኤግዚቢሽን እና ባዛሩ መገናኛ የሚገኝ ሲሆን 56 ኢንተርኘራይዞች እና ከ117 በላይ አንቀሳቃሾች የተሳተፉበት ባዛሩ እስከ ታህሳስ 28 እንደሚቆይ ተገልጿል።