ኮልፌ ኮሙኒኬሽን ሐምሌ 17/2017 ዓ ም

የክፍለ ከተማው ስራና ክህሎት ፅህት ቤት በወረዳ 08 በሴፍቲኔት ተጠቃሚዎች የለሙ የአፈርና ውሃ ጥበቃ ተፋሰስ ስራዎችንና የከተማ ግብርና የጓሮ አትክልት ስራዎችን የወረዳና ክፍለ ከተማው የስራና ክህሎት ፅ/ቤት አመራሮችና ባላሞያዎች በተገኙበት ጉብኝት አካሂዷል፡፡

በጉብኝቱም 168 የሴፍቲኔት ተጠቃሚ ሰሪ ሃይሎች የተደራጁበት በ1 ሄክታር ላይ ያረፈ ከዚህ ቀደም የቆሻሻ መጣያ የነበረ ቦታነን በማልማት የጥቅል ጎመን፣ቆስጣ፣ሰላጣ፣ድንችና ቀይ ስር አትክልት በማምረት ላይ መሆናቸው የተጠቀሰ ሲሆን ያመረቱት ምርት ከተጠቃሚዎች ፍጆታ ባለፈ 67ሺ ብር በሽያጭ ካፒታል ማስቀመጣቸውን እንዲሁም የመቀንጨር አደጋ ለደረሰባቸው ህፃናትን ድጋፍ እያደረጉ እንደሚገኙ ተጠቅሷል፡፡

በመርሃ ግብሩ ላይ የክፍለ ከተማው ምክትል ስራ አስፈፃሚና የስራና ክህሎት ፅ/ቤት ሀላፊ አቶ ኢብራሂም መሀመድ ተገኝተው ባስተላለፉት መልእክት የሴፍቲኔት ተጠቃሚዎች በተፈጠረላቸው የስራ እድል ከራሳቸው አልፈው ሌሎችን የእየረዱ መሆኑንና የገቢ ምንጭ እያገኙ በመሆኑ ለሌሎች አርዓያ መሆናቸውንና ይህንንም ተሞክሮ ለማጋራት በሰፊው እንደሚሰራ ተናግረዋል፡፡

በጉብንቱ በወረዳው የተሰራ የአካባቢ ልማት ተፋሰስ አፈርና ውሃ ጥበቃ ስራዎች እንዲሁም አገልግሎት አሰጣጡን ለማዘመን የተሰራውን የወረዳው ስራና ክህሎት ፅ/ቤት ተጎብኝተዋል፡፡