ዜጎች ወደ ውጭ አገር ሄደዉ ለመሥራት ህጋዊውን መንገድ እንዲከተሉ የማስገንዘብ ስራ በቅንጅት መሰራት እንዳለበት ተገለጸ፡፡

ዜጎች  ወደ ውጭ አገር ሄደዉ ለመሥራት  ህጋዊውን መንገድ እንዲከተሉ የማስገንዘብ  ስራ በቅንጅት መሰራት  እንዳለበት ተገለጸ፡፡ 

28/02/2018 ዓ.ም 

ቢሮው ዜጎች በህጋዊ መንገድ እንዲሄዱና ባለድርሻ አከላትም ሃላፊነታቸዉን በአግባቡ እንዲዉጡ ለማድረግ በወጣዉ አዋጅ ላይ የግንዛቤ ማስጨበጫ ሰልጠና በየካ ከፍለ ከተማ ተሰጥቷል፡፡ 

አቶ ሰብሃዲን ሱልጣን በአዲስ አበባ ከተማ አስተዳደር ሥራና ክህሎት ቢሮ የስራ ስምሪት አገልግሎት ዳይሬክቶሬት ዳይሬክተር ስለ ስልጠናዉ አስፈላጊነት እንደተነገሩት ከዉጭ አገር ስራ ስምሪት ጋር በተያያዘ አዲስ በወጣዉ አዋጅ 1389/2017 መሰረት ዜጎች ሰላማዊና  እና ህጋዊ መንገድ እንዲሄዱና ኤጀንሲዎችና ዜጎች ራሳቸዉ ማድረግ ስላለባቸዉ ሃላፊነት በተመለከተ ባለድርሻ አከላት ጋር የጋራ ግንዛቤ ለማስጨበጥ እንደሆነ ገልጸዋል፡፡  

በአዋጁ በተደነገገዉ መሰረት ዜጎች  በህጋዊ መንግድ መሄድ ሲገባቸዉ  በግንዛቤ እጥረትና ጉዳዩ የሚመለከታቸዉ አከላት ቅንጅታዊ አሰራር ክፍተት ብዙዎቹ በህገወጥ መንገድ ሲወጡ ሆነ ከወጡ በኋላ ህይወታቸዉን ለአደጋ እየዳረጉ እንደሚገኙ የጠቀሱት አቶ ሰብሃዲን የህበረተሰቡን ግንዛቤ ከማሳደግ አንጻር ሁሉም ባለድርሻ አከላት በቅንጅት መስራት እንደሚያስፈልግ አስረድተዋል፡፡

ቢሮዉ በከተማ ደረጃ ለ 1200 ኤጀንሲዎች ፈቃድ እንደሰጣቸዉ የተገለፀ  ሲሆን ዜጎች በህጋዊ መንገድ ሲሄዱ ከኪሳቸዉ የሚከፍሉት ለፓስፖርትና አሻራ ብቻ እንደሆነና የሙሉ ጤና ምርመራና የአየር ትኬት በመንግስት ወጪ በመሸፈን መንግስት ለጉዳዩ ትኩረት ሰጥቶ እየሰራ እንደሚገኝ የተናገሩት ዳይሬክተሩ፤ መደበኛ ባልሆነ የሰዎች ዝውውር ምክንያት ተጎጂ ለሆኑ ዜጎች በየጊዜው ወደ አገራቸው እንዲመለሱ በማድረግና ህይወታቸዉን ለመደጎም በማህበራዊና  በኢኮኖሚያዊ  ዘርፍ ተጠቃሚ እያደረገ እንደሚገኝ ተናግረዋል፡፡ በዚህም የስራና ክህሎት ቢሮ ከ 60 ሚሊዮን ብር በላይ በዘንድሮ በጀት አመት በመመደብ ተጎጂ ለሆኑ ስደት ተመላሾችን በዘላቂነት ህይወታቸዉን ለመቀየር እየሰራ እንደሚገኝ ገልጸዋል፡፡ 

አጠቃለይ በስልጠናዉ  አስራ አንዱ  ክፍለ ከተማ የሚገኙ የስራ ስምሪት ቡድን መሪዎች እና  አሰተባበሪዎች አንዲሁም ከኤጀንሲዎች  እና ከስራ ሰምሪት ጋር ግንኙነት ያላቸዉ  ባለድርሻ አከላት በስልጠናዉ የተሳተፉ እንደሆነ ለማወቅ ተችሏል፡፡