የተጠሪ ቴክኒክና ሙያ ማሰልጠኛ ኮሌጆች የተቋማት ልማት ምክትል ዲኖች የተሳተፉበት የልምድ ልውውጥ በሰላም ቴክኒክና ሙያ ኮሌጅ ተካሄደ።

የተጠሪ ቴክኒክና ሙያ ማሰልጠኛ ኮሌጆች የተቋማት ልማት ምክትል ዲኖች የተሳተፉበት የልምድ ልውውጥ በሰላም ቴክኒክና ሙያ ኮሌጅ  ተካሄደ።

ህዳር 18/2018 ዓ.ም

በአዲስ አበባ ሥራና ክህሎት ቢሮ የውጤት ተኮር ስልጠናና ተቋማት ልማት ዘርፍ የተጠሪ ቴክኒክና ሙያ ማሰልጠኛ ኮሌጆች የተቋማት ልማት ምክትል ዲኖች የተሳተፉበት የልምድ ልውውጥ በሰላም ቴክኒክና ሙያ ኮሌጅ አካሂዷል።

በከተማዋ የቴክኒክና ሙያ ማስልጠኛ ኮሌጆች ጠንካራ መስተጋብር እንዲኖር በማድረግ ረገድ ኮሌጁ የመሪነት ሚናውን እየተጫወተ ይገኛል ያሉት በአዲስ አበባ ሥራና ክህሎት ቢሮ የተቋማት ልማት ዳይሬክተር አቶ አምባቸው ግርማይ በልምድ ልውውጡ ሀብትን በአግባቡ ጥቅም ላይ በማዋል የውስጥ ገቢ በራስ አቅም የሚሸፈንበት አሰራር ለመረዳት ተችሏል ብለዋል።

ኮሌጁ የማሰልጠኛ ወርክ ሾፓችን ለስልጠና ምቹ እንዲሆኑ አድርጎ ከማደራጀት እና በቴክኒክና ሙያ ማሰልጠኛ ኮሌጆች ከኢንፎርሜሽን ኮሚዪኒኬሽን ቴክኖሎጂ መሰረት ልማት ጋር የሚስተዋለውን ችግር በመቅረፍ ሂደት  ዲጂታል ቴክኒክና ሙያ በመተግበር መረጃዎች በክላውድ የሚሰነዱበት  ሌላኛው አማራጭ መሆኑን በጎብኝቱ ተረድናል ሲሉ ተናግረዋል።

የሰላም ቴክኒክና ሙያ ኮሌጅ ዋና ዲን አቶ ጥበቡ ለታ በበኩላቸው የቴክኒክና ሙያ ዘርፉን በማዘመን ለሀገር ዕድገት የሚጠበቅበትን አስተዋፅኦ እንዲያበረክት ኮሌጁ በጋራ በመስራት ላይ ያምናል ሲሉ ተናግረዋል።

ለዚህም ኮሌጁ በዘርፉ ያካበተውን ልምድ ለተለያዩ ተቋማት ሲያጋራ መቆየቱን በማውሳት አሁንም ይህን ተግባሩን አጠናክሮ እንደሚቀጥል አረጋግጠዋል።

በልምድ ልውውጡ የሰላም ቴክኒክና ሙያ ኮሌጅ የስልጠና ሂደት፣የወርክ ሾፕ አደረጃጀት፣የኢንኩቤሽን ማዕከል፣የቴክኒክና ሙያ ዲጂታላይዜሽን እንዲሁም የውስጥ ገቢ ማስገኛ እንቅስቃሴዎችን ተዘዋውረው ጎብኝተዋል።